Söguágrip

Tildrög að stofnun kórsins :

Félagar í slökkviliðinu voru beðnir að skemmta á árshátíð Starfsmannafélags Siglufjarðarkaupstaðar, (SMS) árið 1997. Slökkviliðsmennirnir æfðu nokkur lög og sungu. Í framhaldi af þessu var svo ákveðið að halda starfinu áfram. Mikill hugur var í mönnum og æfðu félagar áfram undir stjórn Elíasar Þorvaldssonar. Fljótlega var farið að kalla fyrirbærið "Slökkviliðskórinn". Slökkviliðsstjórinn Kristinn Georgsson sá um að kalla kórinn saman.

( Úrdráttur úr fundargerð )

Slökkviliðsstjórinn í Siglufirði, Kristinn Georgsson kallaði saman sína menn í Slökkviliðskórnum og ákváðu þeir að auglýsa eftir söngmönnum. Auglýst var í Tunnunni í desember 1999 og ákveðið að stofna formlega nýjan karlakór, með framtíðarsýn í huga. Ákveðið var að stofna nýja kórinn laugard. 1.janúar 2000.

( Úrdráttur úr fundargerð )

Á Íþróttavelli : (Malarvelli)

Karlakór Siglufjarðar var stofnaður laugardaginn 1. janúar 2000 kl.00.10. Nafn kórsins var kynnt og tilkynnt að framhaldsstofnfundur yrðihaldinn síðar. Kórinn leiddi síðan fjöldasöng, Elías Þorvaldsson stjórnaði.

Stofnendur Karlakórs Siglufjarðar :

1. Tenór: Birgir Ingimarsson, Guðbrandur Gústafsson, Stefán Friðriksson, Sveinn Björnsson, Sveinn Þorsteinsson, Þórhallur Daníelsson og Ægir Eðvaldsson.

2. Tenór: Bjarni Þorgeirsson, Guðjón Baldursson, Hermann Einarsson, Hörður Harðarson, Óskar Berg Elefsen, Ómar Hauksson, Þorgeir Bjarnason og Þórhallur Jónasson.

1. Bassi: Ámundi Gunnarsson, Elvar Elefsen, Hannes Baldvinsson, Helgi Magnússon, Jóhann Fr. Sigurðsson og Sigurður Friðriksson.

2. Bassi: Elmar Árnason, Hjálmar Jóhannesson, Hjörtur Hjartarson, Jónas Halldórsson og Kristinn Georgsson.

Alls 27 félagar.

( Úrdráttur úr fundargerð )

Fyrsta undirbúningsstjórnin :

Kristinn Georgsson, Sigurður Friðriksson, Þórhallur Daníelsson, Óskar Berg Elefsen, Sigmundur Sigmundsson, Þórhallur Jónasson og Elvar Elefsen.

( Úrdráttur úr fundargerð )

Framhaldsstofnfundur

var haldinn miðvikudaginn 23. febrúar 2000, kl.20.30 í Kiwanishúsinu Aðalgötu 8 Siglufirði.

Eftirfarandi stjórn var kosin :

Formaður: Kristinn Georgsson

Ritari: Þóhallur Daníelsson

Gjaldkeri: Þórhallur Jónasson

Meðstjórnendur: Óskar Berg Elefsen og Elvar Elefsen

Blaðafulltrúi og ljósmyndari: Sigurður Friðriksson

Endurskoðendur: Hannes Baldvinsson og Ómar Hauksson

Samþykkt var merki fyrir félagið, sem Sveinn Þorsteinsson hannaði og sést það hér í bakgrunni síðunnar, er það sextugasta og fjórðaparts nóta ásamt nafni kórsins og dagsetningu stofndags.* Fánarnir á nótunni tákna 4 raddir kórsins.

( Úrdráttur úr fundargerð og * Sv.Þ. )